Ein fin haustdag

Forrige søndag var ein nydeleg haustdag, og det var farsdag. Etter ein god frukost med kakao og egg, og overrekkelse av presang til verdens beste pappa, fann vi ut at turen i dag måtte gå til Romedalen. Dette er ein fantastisk fin dal, noko eg tørr påstå sjølvom eg kan reknast for å vere inhabil. Den ligg der med høge fjell på begge sider, grusvegen midt etter og elva som slanger seg framover, heilt frå Kolåsen og over til Barstadvik.

 

Min familie er så priviligerte at vi har eit lite sel, eller ei hytte fremst framme på Steinstøylen. Denne blir flittig brukt om sommaren og utover hausten. Når det nærmar seg vinter og snøen kjem er det ikkje råd å køyre fram, dessuten er det ofte fare for ras i frå gjøla på denne tida. Vi prøver difor nytte oss av selet så ofte vi kan. Dit skal eg ta dykk med ein annan gang. Denne dagen enda fram på flata etter Kubbestøylen. Der er nemleg tillaga bålplass, bord og benkar av stein og der er mange flotte klatretre. Sidan vi hadde med oss Ariana, ei av våre små låneprinsesser, som vi i tillegg er tante og onkel til var det greit å halde til der.

Pappa sette straks i gang med å lage bål slik vi kunne spidde pølser. Sidan vi ikkje hadde papir med oss tok det litt tid, men ongane fann fort på andre ting å gjere. Dessutan går det godt ann å hjelpe pappa og :)

 

 

Medan papsen jobba med bålet fann dei små og litt større ut at dei skulle klatre i tre og spikke spiddepinnar....Sjå berre :

                                   

Etter klatreleik, spikkeleik, springing og herjing i skogen var det tid for mat. Bålet visste seg å bli ein stor suksess, og mange som gjekk tur denne dagen hadde meir enn gjerne lyst på ein smakebit der dei kom trakkande framover. Det skulle dei og ha fått om vi hadde hatt med meir mat. Men det vi hadde putta i sekken gjekk ned på høgkant. Er det ikkje slik med dykk også? At maten borte smaker betre enn maten heime? Og spesielt ute i det fri smaker den aller best!!

                        

Dersom nokon lurer på kvar minstemann var ser du han i bakgrunnen. Han sov søtt i vogna si lenge. Då han våkna var han ivrig på å utforske både det eine og det andre:

 

              

Etter mat var det tid for leik. Gøyme og leite og spark på "pinne" var to av leikane som gjekk igjen denne dagen. Og jammen var det kjekt for dei vaksne og. Kjende minna kor dei strøymde på då eg låg bak store steinen og prøvde å vere musestille så ingen skulle finne meg. Det er kjekt å kunne vere barn igjen av og til....vi treng det alle saman!!!

Inne i skogen var det mange gøymeplassar, mange busker og tre, steiner og kratt. Men ikkje hadde vi rekna med å finne eit "trolltre". Preben var så heldig å finne dette rare tredet. Skummelt?? Vi synest det var både skremmande og morosamt. Tenk at naturen er slik, at tre og steinar finnast i alle slags former og fasonger? Elise synest det likna ein elg. Kva synest du??

                                   

Vi hadde ein fantastisk dag fram i Romedalen vår. Det var både mørkt og seint når vi vende nasen heim. Alle var vi enige om at dagen hadde vore kjekk. Og pappa synest det var ein fin måte å feire farsdagen på, til tross for at 2 omgang i Cup finalen måtte vike...:)